Wednesday, August 23, 2017
Sion Bandera
Tiep uroe sabe angen peudoda
Bintang beuleuen lambang geutanyoe
Geusah keu bumoe Acheh mulia
Na peuet krek gareh bineh meutuleh
Gareh meumakna suci prang sabi
Meugareh itam meumakna hai taulan...
Tanyoe takeunang jasa syuhada
Meugareh puteh meumakna hai taulan...
Suci prang sabi syahid na fahla
Sideh dipusat di Tiro teumpat
Sinan meusapat Panglima Tinggi
Teungku Syafi'i Panglima Tinggi
Nyang phon mulai puka acara
Teuntra meubareh peudong baresan
Yoh phon geuyue bang peuek bandera
Bandera diek sampe abeh bang...
Nyan phon mulai puka acara
Bintang ngon beuleuen angen peudoda
Ngon tanoh mirah hu meucahya
Sion bandera lambang Nanggroe
Tiep uroe sabe angen peudoda
Bintang beuleuen lambang geutanyoe
Geusah keu bumoe Acheh mulia
Na peuet krek gareh bineh meutuleh
Gareh meumakna suci peujuang
Meugareh itam meumakna hai taulan...
Tanyoe takeunang jasa syuhada
Meugareh puteh meumakna hai taulan...
Suci prang sabi syahid na fahla
Tanoh Lon Sayang
Tanoh lon sayang
Nibak teumpat nyan
Lon udep mate
(2 go)
Tanoh keuneubah
Indatu moyang
Lampoh deungon blang
Luwah bukon le
(2 go)
Keureuja udep
Na soe peutimang
Na soe peuseunang
Keureuja mate
(2 go)
Hate nyang sosah
Lon rasa seunang
Acheh lon sayang
Sampoe 'an mate
(2 go)
Pusaka Nanggroe
Sion Bandera Dalam Nanggroe
Ji Ek Tiep Uroe Angen Peudoda
Bintang Buleuen Pusaka Nanggroe
Neusah Keu Bumoe Acheh Mulia
Ija Mirah Meugareh Bineh
Na Nam Krek Gareh Bineh Bandera
Wareuna Hitam Dua Krek Gareh
Peuet Krek Keu Puteh Gareh Meuwareuna
Meugareh Hitam Meumakna Hai Rakan
Geutanyoe Keunang Jasa Syuhada
Puteh Gareh Meumakna That Suci
Gleh That Prang Sabi Syahid Na Fahla
Bintang Buleuen Bak Teungoh Ka Meuuke
Islam Keu Hukom Dum Asoe Bangsa
Mirah Bandera Memakna Lam Nanggroe
Darah Meulangoe Lam Tanoh Jaya
Lam Nanggroe Acheh Cahya Peungeuh
That Seumeulhoh Ban Sigom Donya
Cahya Bintang Buleuen Ka Ji Ek
Dilee Dak Taklik Meuwoe Bahgia
Subscribe to:
Posts (Atom)