Disinoe na teunamah bacut sapeue nyang mungken jeuet keu bahan diskusi watee neuduek sajan rakan bak keude kupi.
Rukok peubinasa bijeh, nyakni ie mani droeneuh hana subur dan hana jeuet na aneuk, atawa meunyo chit na aneuk kadang sinyak droeneuh ka kureueng nyoe atawa kureueng jeh, miseue lagee trep jeuet dimeututo, hana that deuh dideungo, atawa hana that deuh dikalon. Jadi seugohlom neupeusalah peurumoh neuh, neupike keudroe neuh dilee peue droeneuh na neupiep rukok? Mungken saja lantaran nyan. Beuneuthee, le that2 mantong dumna bahya keu rukok nyang gohlom neuthee dan hana lom neutupeue.
Prof. Mohamad Eid Hammadeh, PhD di University of the Saarland, Homburg/Saar, Germany kalheueh geupeugot riset lam peukara nyoe bak 53 droe ureueng agam nyang teuga that piep rukok dan dibandeng deungon 63 droe ureueng agam nyang hana piep rukok. Ureueng nyang 63 droe hana piep rukok nyan leubeh mudah meuteumeung aneuk nibak nyang 53 droe, meunan chit aneuk2 ureueng nyang 63 droe nyoe leubeh sihat2 geubandeng deungon aneuk2 ureueng nyang 53 droe nyang punoh deungon masalah, leubeh2 watee umu2 manyak.
