DABEUH MAGUEN SIE RUSA MASAK TUMEH ATJEH:

Assalamualaikum

DABEUH MAGUEN SIE RUSA MASAK TUMEH ATJEH:

Di Atjeh djinoe ka kureung Rusa lam gle Atjeh, sabab lo that uteun Atjeh kabeh djireuloh le kaphe peundjadjah indonSIAL. Meunjoe Bansa Atjeh geuneuk padjoh lom sie Rusa di Aceh, maka gunong njang kabeuh gleh djitjang le kaphe peundjadjah indonSIAL peureulei tatanom keulai ngon mubagoe macam bak kayei yang timoh meuuteun atawa bak kayei muboh njang na hase. Di sampeng uteun njan na manfaat untuk peulahra tanoh teutap luhu dan na kandongan ie njan sep untuk keuhidupan alam dan manusia.

Peureulei tastop nadjis2 transmigrasi djawa indonSIAL dan peungikot djih njang djak rampok dan reuloh tanong nanggroe geutanjoe.

Tameudoa sabe bak Allah SWT beu'ek talet ngon on kurusong njan mandum nadjis dan peunyaket njang teuka dari siblah laot njan.

Beuklam na Abuwa taguen kira2 6 kilo sie Rusa kalheuh Abuwa lawok ngon ie boh kuyuen (boh kuyuen Gadjah) dan Sira, dan djeut sjhit neupeuguna  ie boh me, dan seubagian blah gatéh djih (shank takheun lam basa linggeh) ka djipangang (grill) le Aneuk dara ngon boh gantang, wortel, bungong Kol hidjo (Brocolli) djiboh on Selaseh tho.

Njang Lon taguen 6 kilo njan Lon boh dabeuh njoe:

DABEUH TUMEH
1. Bawang Bombay seudang teutjang 2 boh; djeut sjhit tatjang bawang mirah leubeh mangat. Abuwa ureung mita mudah, bawang Bombay raya2 mangat & bagah bak tatjang😁;

2. Rheu sibak;

3. Kulet kayei maneh sikrek ube punyok djaroe;

4. Bungong lawang Atjeh 10 neuk;

5. Bungong lawang kleng beukla hana abuwa boh kabeh stock lam plok;

6. Gapulaga 5 neuk;

7. On seuke pulot tuwoe abuwa boh beuklam;

8. On teumeurhui 1 boh tangke;

9. Beuklam abuwa pakek kira2 1/5 onz minyeuk Zaitun. Minyeuk U biasa pih djeut tjhit. Di Aceh djeut tapula bak Zaitun, in shaa Allah hudep. Seudangkan Kurma ka muboh djipula di Daerah Krueng Raya;

10. Seurbok "Kari daging Baba's" 4 boh tjamtja. Abuwa tumeh sigo ngon DABEUH tumeh laen, tanpa boh ie, supaya "Uuuummm" djibeudoh bei wangi. Njoe seurbok kari njoe djeut tapeuhase tabangun pabrek bak tanoh Abuwa peuleumah baroe, in shaa Allah!
Njan DABEUH tumeh njoe tatumeh ngon minjeuk sampoe meuwarna batjut, tapi bek angôh!



DABEUH KUAH
Beuklam Abuwa boh
1. Aweuh teutöp na 5 boh tjamtja bu;

2. Bawang Bombay na 200 gram. Bawang mirah sang leubeh mangat;

3. Bawang Puteh teumpatan na 5 boh ulah. Ulah djih rajok batjut, kon lagei Bawang Puteh impor dari Tjina ubit batjut ulah djih dan biasa kadjisomprot ratjon (fumigation) watei teuka bak peulabuhan;

4. Aneuk kiroe na 8 neuk, untuk peureunek dan peulikat kuah. Seubeunar djih tabohU Seuneulheu leubeh mangat rasa dan wangi, tapi abuwa beuklam ka djiteugah le aneuk dara han djibi taguen leumak2 that;

5. Tjampli kleng saboh reugam;

6. Lada itam 2 boh tjamtja;

7. Djara maneh saboh tjamtja.

8. Tjampli ubit (djra) hidjo na meu sikhan reugam. Njang han ek padjoh keueung, adak hana geuboh pih hana pue;

9. Abuwa boh aneuk katjha-katjho "poppy seeds" 1 tjamtja. "Poppy seed" geubahas le ulama hana rhot keu HAREUM sabab lam aneuk djih hana meungandungi narkotika. https://islamqa.info/en/166813

10. Kunyet seureubok 1.5 tjamtja. Njoe pih barang njang djeut taproduksi di Nanggroe sekaligus tapeuawet seubagai saboh usaha pemasaran produk nanggroe;

11. Halia ube 2 neuk aneuk djaroe punjok;

12. Xylitol (saka djagong) 2 boh tjamtja; djeut neuboh saka biasa sjhit.
DABEUH tumeh njan mandum Abuwa peuantjo (blend) sampe haloh, dan Abuwa lawok ngon sie Rusa, dan Abuwa ruah lam DABEUH tumeh njang kalheuh Abuwa tjrah sat njoe.

Njang teuga padjoh reumpah djeut meutamah Haleuba meupadum neuh untuk tamah bei sampoe djitubei siteungoh kilomete u lua😃.

Untuk pumameh kuah, djeut tatamah Santan u njang hudep atawa fresh.

Tataguen ladju sampoe leumpok Sie Rusa njan.

Kadjeut peuguna ladju resep Abuwa njan utk taguen sie2 nyang laen, pih meukeutam mangat.

Bek peugah hana ek bloe sie, tapi beudjeumot dan beugigeh bak peulahra binatang teurnak!

Wassalam
Abuwa Paséé


Njan beuklam Abuwa taguen dan watei beungoh tjuatja abuwa kalon 14°C; teutapi kuah lam beulangong hana kreuh leumak di ateuh. Abuwa rasa keuleubehan Sie Rusa kureung meungandungi leumak dan bila tapadjoh leumak Rusa hana tinggai kreuh lam badan tanjoe djeut keu peunyaket.

Ma shaa Allah