Ciptaan: Yusbi Yusuf
Di teungoh malam meutamah sunyi
sideh di Idi darah meukapa
korban malam nyan laju jiangkot
di dalam seupot bak poh sa malam
oh Arakundoe
U Arakundoe nibak malam nyan
ngon moto barang jeunazah jiba
oh Arakundoe padum na sayang
pakon jisumbang nyawong ngon darah
oh Arakundoe kamoe meuduka
meukirem doa keu mandum korban
Krueng Arakundoe ka jeuet keu saksi
keudeh dalam ie jiboh jeunazah
bak singoh uroe ureueng geujak ngieng
di ateueh titi darah meukapa
oh Arakundoe
Jitindeh batee bak tuboh korban
lheueh nyan jipeulham u krueng pusara
geukawe-kawe geucok jeunazah
ngon sosah payah manyet geumita
Soe-soe nyang kalon mandum bak geumoe
Krueng Arakundoe punoh ie mata.
Han ek tabayang han ek tapike
ek sampe hate jipoh manusia
mungken nyoe tanda donya ka akhe
meuube pade nyawong tan harga
donya ka akhe.
No comments:
Post a Comment