Peukara, Solusi, & Aksi

Watee lheueh tasimak2 seubeutoi jih peukara Acheh nyoe mantong meusangkot lam 3 boh situasi: PEUKARA, SOLUSI, & AKSI​ (Problem, Solution, & Action)

PEUKARA:
Rame that2 ureueng jeuet peudeuh dan peugah PEUKARA, masalah, meunan chit rame nyang jeuet peusalah pihak nyoe pihak jeh. Complen keunoe kheun keudeh. Seumike negatif.

SOLUSI:
Rame ureueng lheueh geupeugah PEUKARA tapi hana jeuet geupeuna SOLUSI, atawa hana geupeu-iku ngon SOLUSI. Jadi PEUKARA meutamah laju, dan roh meu-ulang atra2 sot. SOLUSI hana meutamah.

AKSI:
Lheueh ka geutupeue PEUKARA dan ka na SOLUSI, leubeh rame that2 lom nyang hana jeuet jak peuna AKSI untok peuseuleusoe PEUKARA nyan. Maka deungon hana AKSI, PEUKARA ngon SOLUSI kakeuh teuduek keudroe jih, dan meuputa keulai disinan2 mantong. Meupeugah2 le lom.

Jadi chi tasimak2 keulai dari haba2 nyang ka tom tabaca atawa na tom tadeugo, peue keuh sidroe2 ureueng nyang lheueh geupeugah PEUKARA, na geupeugah SOLUSI chit? Kiban teuma ngon AKSI, peue ka jeuet geupeujak?

Meunan chit bak droe teuh keudroe, watee tapeugah saboh2 PEUKARA, chi tapeugah chit SOLUSI bah that pih goh lom jeuet tapeuna AKSI, sabab deungon tapeuna SOLUSI paleng kureueng geutanyoe ka tamaju silangkah treuk nibak PEUKARA.